Mke wa Slaa: Aibuka na Kujibu Mapigo, Akisema Hatuna Shida ninafikiria kujenga Shule na Hospitali

HATIMAYE mke mdogo wa Dk. Willibrod Slaa, Josephine Mushumbusi, ameibuka na kujibu baadhi ya hoja ambazo zimekuwa zikielekezwa kwake yeye binafsi na kwa mume wake na zaidi akisema yote yanayosemwa dhidi yao hayako katika fikra zao kwani kwa sasa baada ya kuachana na siasa wanajipanga kuelekea upande mwingine wa kuwa wawekezaji.

Akizungumza na MTANZANIA Jumamosi kwa njia ya simu jana, Mushumbusi aliitaja mipango yao hiyo kuwa ni pamoja na kujenga shule na hospitali.

Mushumbusi ametoa kauli hiyo wakati ambapo gharama zinazokadiriwa kufikia shilingi milioni 50 alizozitumia mume wake katika mkutano wake na waandishi wa habari mapema wiki hii zikizua mjadala mpana wa alikopata fedha hizo zote.

Pamoja na hilo, Mushumbusi ambaye anatajwa kuwa katikati ya mpango wa kumrubuni mume wake licha ya kupuuza hoja kama hizo alipoulizwa walikopata fedha za kutekeleza miradi mikubwa kama hiyo alisema zimetoka kwa watu aliodai kuwa ni marafiki zao na kiasi kingine ni asilimia 20 ya vipato vyao ambavyo walikuwa wakiviweka kwa muda mrefu.

AJIBU MAPIGO

Mushumbusi ambaye tangu Dk. Slaa azungumze na waandishi wa habari Jumanne wiki hii hajawahi kuzungumza lolote, alianza kujibu yale yaliyozungumzwa na mke mwenzake ambaye ni mke wa ndoa wa Dk Slaa aitwae Rose Kamili ambaye juzi alizungumza na vyombo vya habari na kumtupia tuhuma nzito yeye (Mushumbusi) na mume wake huyo wa zamani.

Rose alikaririwa na vyombo vya habari akimtuhumu mumewe kuwa ni muongo na anapelekeshwa na mwanamke anayeishi naye kwa sasa ambaye ni Mushumbusi.

Akijibu shutuma hizo, Mushumbusi alisema yeye ni zaidi ya siasa rahisi zinazoenezwa dhidi yake.

Alimpuuza Rose kwa kusema kuwa ameamua kuchanganya matatizo binafsi ya familia na propaganda za kisiasa, hivyo jambo hilo liko mbali na uwezo wa fikra na mipango yake kwa sasa.

Mushumbusi alisema yeye si mwanasiasa kwani ana mambo mengi anayoyafanya mbali na siasa hivyo shutuma alizotoa Rose kwa Dk. Slaa zingefaa pia kama angewaeleza Watanzania sababu za kuachwa kwake.

“I’m above with that cheap politics, you know? (Unajua niko juu ya siasa hizo rahisi?), I’m activist, I can’t deal with them and I have a lot of things to do out of politics by the way, I’m not a politician as I told you (mimi ni mwanaharakati, siwezi kushughulika nao na nina mambo mengi ya kufanya nje ya siasa, hata hivyo mimi sio mwanasiasa kama nilivyokueleza),” alisema Mushumbusi.

Mushumbusi alifafanua kuwa hivi sasa yuko mbali na mambo ya siasa na anaangalia mbele kulisaidia taifa katika nyanja za elimu, afya na uchumi.

Alisema mipango yao kwa sasa ni kujenga shule, hospitali pamoja na kuwasaidia kina mama katika masuala ya ujasiriamali.

Alisema tayari mipango yao hiyo mipya ilikwishapangwa kwa kushirikiana na Dk. Slaa.

Alisema mbali na fedha za marafiki yeye ni mfanyabiashara wa nafaka na kwa muda mrefu pamoja na mumewe wamekuwa wakiweka akiba.

Hata hivyo, wakati Mushumbusi akisema kuwa anafanya biashara ya nafaka, gazeti moja la kila siku (Si MTANZANIA) liliwahi kumkariri hivi karibuni akidai kuwa kwa sasa anafanya biashara ya mkaa.

“Brother I’m not there as they think, I’m a focused woman (Kaka sipo hapo kama wanavyofikiri, mimi ni mwanamke makini), nina mambo mengi ya kulifanyia taifa langu, nashangaa hata hiyo hoja ya kutelekeza watoto, waulizeni hao watoto kama hawapajui kwangu, huyo kijana wa kiume kila mara anakuja kwangu hata wadogo zake wanamfahamu vyema, eti wanasema Dk. Slaa kawatelekeza wanataka awafanyie nini na wakati watoto wote hao ni above eighteen (zaidi ya miaka 18) na tayari wamezaa kila mmoja, hoja nyingine you must think big (kufikiri zaidi),” alisema Mushumbusi.

Kuhusishwa na Kinana, Lukuvi

Akijibu madai ya kutuhumiwa na Katibu Mkuu wa CCM, Abdulrahman Kinana, William Lukuvi ili kumpa maelekezo mumewe juu ya nini afanye baada ya kujiengua Chadema, Mushumbusi alikana madai hayo kwa kusema kuwa hana mawasiliano yoyote na watu hao.

“Sina mawasiliano na Kinana wala Lukuvi kwanza ni watu ambao sijawahi kufikiria hata siku moja kama nitazungumza nao, kwanza simpendi huyo Kinana,” alisema Mushumbusi.

Dk. Mwakyembe na Dk. Slaa

Kuhusu kukutana na Dk. Mwakyembe katika moja ya vyumba vya Hoteli ya Serena akiwa yeye na mume wake, Mushumbusi alikana taarifa hizo.

Hata hivyo, MTANZANIA Jumamosi linafahamu kuwa Mushumbusi alikuwepo katika moja ya vyumba vya hoteli hiyo ambavyo mume wake alivitumia kukutana na Mwakyembe saa chache kabla ya kuzungumza na waandishi wa habari.

Pamoja na ukweli huo, Mushumbusi alisema hana mawasiliano na Mwakyembe ingawa alikiri mume wake kukutana naye ili kupata ufafanuzi wa baadhi ya hoja za sakata la Richmond.

“Dk alihitaji kupata ufafanuzi fulani wa hoja za Richmond, kumbuka ripoti ya Richmond iliandikwa kisheria zaidi hivyo alimuhitaji Dk. Mwakyembe kwa ajili ya kupewa ufafanuzi wa baadhi ya vipengele ndipo walipokutana saa chache kabla ya mkutano na wanahabari,” alisema.

-Mtanzania

Read More

TUNDULISU Ayamwaga hadharan, Maneno yote tatizo ni Urais, Dr. Slaa ni muongo watanzania mpuuzeni;

Akihojiwa na redio station Mh.Lissu anasema ameshangaa sana maneno aliyoyasema jana kwenye mkutano wake na waandishi wa habari.

Anasema Dr.Slaa alikwisha kuteuliwa kuwa mgombea urais mwezi January na mwezi April akathibitishwa na kamati kuu,

Anaendelea kusema ameshangaa Dr.Slaa kusema Gwajima ndo alimleta Lowassa jambo ambalo siyo kweli kabisa, yeye Dr. Slaa mwezi wa tano ndo alianza kumtafuta Lowassa kwa kumtumia Gwajima

Anasema wakati Lowassa anapokelewa tarehe 27 July kwenye Kamati Kuu, Dr.Slaa hakulala nyumbani aliporudi nyumbani mchumba wake alimtupia mabegi nje na DR. alilala kwenye gari.

Anasema dr. slaa asiwadanganye watanzania tatizo ni urais na mchumba wake.

Anasema ameacha siasa tangu siku ya kikao cha kamati kuu alipoandika barua ya kujiudhuru kwa nini amepokea mshahara wa mwezi huu?? kwanini anaendelea kutumia gari la chama la katibu mkuu na nyumba aliyonunuliwa na chama muulizeni awaambie kwanini anaendelea kunufaika na hayo yote toka CHADEMA???

Read More

Dr. Slaa, Haya ndiyo aliyoyasema kuhusu Lowasa, CHADEMA na msimamo wake kisiasa

Dr. Slaa Dr Slaa katika hoteli ya Serena akiwa na walinzi wake 7, amefika na kuamua kuweka kila kitu wazi kuhusu ukimya wake. Soma hapo chini alichozungumza

Slaa: Kila mtu ana kiu ya kusikia Dr Slaa anasema nini, sijawahi kuona waandishi wengi hivi

Slaa: Wengi mnafahamu sina tabia ya kuyumbishwa, ninasimami a lile ninaloamini, ijulikane kama binadamu sina chuki na mtu

Slaa: Mimi sikuwa likizo kama mlivyoambiwa na wengine. Nimeamua kuachana na siasa tarehe 28 Julai 2015 saa 3 usiku.

Naomba ijulikane kuwa nilishiriki majadiliano ya awali juu ya ujio wa Lowassa ndani ya CHADEMA, ila sikuafiki ujio wake.

Slaa: Mchakato ndani ya CHADEMA ulianza mapema na jina langu lilipitishwa lakini bado sikuitangaza popote.

Slaa: Suala la Msingi ni kuangalia kama ni ASSET au LIABILITY, ASSET kwa maana kwamba anakuja na watu wangapi kwenye chama

Slaa: Tuliambia anakuja na wabunge wanaomaliza muda wao zaidi ya 50 na viongozi wengine toka CCM.

Slaa: Siku zikapita sikupewa majina ya wabunge hao, wenyeviti wa CCM mikoa wala makatibu wakuu.

Slaa: Upotoshwaji kwamba Dr Slaa alikubali toka mwanzo si kweli naomba viongozi wangu waseme kweli.

Slaa: Kamati kuu tumekaa toka saa 9 hadi 12:30 kikao kikavunjika, ikasemwa iundwe kamati ndogo kunishawishi, nikakataa.

Slaa: Niliandika barua ya kujizuru ndani ya kamati kuu kwa mwenyekiti wakati huo akiwa Profesa Safari, ambaye aliichana.

Slaa: Mimi mwanasiasa niliyozoea naamini siasa ni sayansi haitaki uongo, haitaki udanganyifu.

Slaa: Maamuzi yaliyofanywa, yalifanywa na mimi kwa ridhaa yangu mwenyewe.

Slaa: Sisi katika familia yetu tumezoea propaganda hizo, nishasema kama mna ushahidi muulete

Slaa: Nataka niwahakikishie D. Slaa na watoto wake wameendelea kula mihogo kama tulivyoahidi maana pesa imesaidia watanzania

Slaa:Ni lazima mwanasiasa yoyote duniani hataji jina linachafuliwe, hata Dr Slaa hataki jina lake lichafuliwe ni haki yangu.

Slaa: Jambo ambalo nataka nifafanue ni suala zima la LIABILITY au ASSET, ASSET nimelieleza, wamekuwa waongo hawakutekeleza

Slaa: Mtu ambaye hata mwezi mmoja haujapita tangu useme CCM ikimteua Lowassa atajitoa, leo anasema ni msafi.

Slaa: Wenyeviti waliokuja CHADEMA wote toka CCM ni mzigo, makapi.

Slaa: CHADEMA inachukua mtu kwa sifa ya wizi wa kura, kama hatutaki kuiba kura sisi tunaenda kufanya

Slaa: Suala la ASSET sikupata majibu, ndio maana hadi leo viongozi wangu wamepata kigugumizi, naongelea kwanini nimeondoka.

Slaa: Mimi padri , yaani nikubali kuweka mkataba na shetani kwaajili ya kuiondoa CCM? unaondoa CCM kwa ‘progamu series

Slaa: Watu waliikubali CHADEMA kwaajili ya misingi ya uadilifu, leo tuna unadilifu?

Slaa: Duniani kote tuhuma zinatolewa na ni jukumu la serikali kutoa majibu. Kama watu hawajui siasa bora wakae kimya.

Slaa: CCM siwezi kuwahurumia, hata Lowassa hapa alipofika ni kwakuwa CCM ilimlea.

Slaa: Kama ukikuta choo cha kitanzania, ukapakua kilichoko ndani ya choo na kuweka chumbani kwako, ipi ni choo?

Slaa: Mimi nilikuwepo 2008 wakati tunajadili RICHMOND tunapozungumza masuala hayo ni kwakuwa tunayajua na tuliyaishi Bungeni

Slaa: Lowassa tunamtuhumu mengi , mimi simtuhumu kwa RICHMOND tu, 2010 mimi nilimwambia atumbie hadharani RICHMOND ya nani

Slaa: Ni afadhali nipotee kwenye siasa Tanzania na duniani kote kuliko kuyumbishwa na misimamo yangu.

Slaa: Mimi nimeletewa rushwa asubuhi, nikamuuliza aliyeleta kama mimi unanipa milioni 500 unazo ngapi?

Slaa: Mwanzo wa RICHMOND lazima urudi kwanza kwenye taarifa ya baraza la mawaziri februari, 2006.

Slaa: Naomba mtambue kwamba suala hili la RICHMOND halikuanzia kwa Kikwete bali lilianzia kwa Mkapa.

Slaa: 2006 feb 10, Waziri mkuu alikuwa Lowassa, sasa leo unapokuja kunambia hakuhusika maanake nini?

Slaa: Ripoti ya Mwakyembe alitoa option mbili, Waziri Mkuu ajipime au Bunge lijadili na kutoa uamuzi, akakimbilia kujiuzulu.

Slaa: Lowassa dakika ya mwisho aliingilia, hakusaini yeye ila aliagiza personal assistance wake akasaini.

Slaa: Watu wanauliza kwanini namsema Lowassa mwenyewe ni kwakuwa anagombea urais wa nchi.

Slaa: Nendeni basi Monduli kwa Lowassa na Karatu mlinganishe wakati nikiwa mbunge, halafu tuone huyu mnayemuita mtendaji.

Slaa: Mnasema habari za shule ya kata, hizi sio zao lake ni upotoshwaji, aseme alibuni wapi wazo hili.

Slaa: Ugomvi wangu na Masha ni kwasababu nilitoka hadharani na kusema Masha umeingilia mchakato wa serikali, nikawa adui.

Slaa: Wakaandika uongo kuwa RICHMOND ni kampuni ya stationary wala sio umeme

Slaa: Waziri Mkuu anajua yote halafu ananyamaza, kama alikuwa hajui ni mzembe, kama ni mzembe hafai tena kuwa Rais wa nchi.

Slaa: Kumbuka Tanesco ni chombo kinachojitegemea, ikaagizwa kusaini mkataba ambao haikujadili, maanake ni nini?

Slaa: CHADEMA tumaini jipya lilijengekea, vijana wanaliamini ninaogopa, kwa masikitiko ninasema sitaki baadaye tufike pabaya

Slaa: Kama CHADEMA leo inafika hatua ya kujaza uwanjani watu kwa mabasi halafu mnasema kuna mafuriko,siko tayari kuwa zezeta

Slaa: Udanganyifu huu wa kujaza watu kwa kubebwa na magari kuja uwanjani wakajaza uwanja walikuwa nao CCM

Slaa: Nimewasikia CHADEMA jangwani, waliyoongea ni sehemu kubwa ya ilani ambayo ilishaandaliwa zamani, hakuna kipya.

Slaa: Kinachoniumiza ni sisi kuwa wabovu zaidi ya CCM.

Slaa: Nataka Lowassa ajue kuwa tunajua, Scotland inatuandikia kuwa achunguzwe kwa paundi milioni 400 alizopeleka marekani.

Slaa: Halafu wanasema nikizungumza eti nitaharibu sifa yangu, wacha iharibike.

Slaa: Mimi nimefundishwa kukemea maovu.

Slaa: Leo anakuja mtu hapa anatuambia nyamazeni? Mimi sitaki kuingia kwenye mambo ya akina babu seya.

Slaa: Leo baadhi ya vyuo vinatumia kesi ya babu seya kufundishia kama kesi ya ulawiti halafu lowaasa anasema ataifuta

Slaa: Nani aliyeagiza maaskari waingie na mbwa pale mwembe chai msikitini? Sumaye huyu huyu aliagiza.

Slaa: Lowassa akili yake ipimwe, kesi ya ulawiti Rais hapaswi kuingilia, anaingilia uhuru wa mahakama

Slaa: Ni afadhali kutokuwa na Rais wa aina hii, Rais ambaye anatumia udanganyifu kwakuwa watu hawajasoma hafai.

Slaa: Waswahili wanasema ukiumwa na nyoka basi hata jani ulikimbie, inabidi tuhakikishe kwamba tunakuwa makini

Slaa: Alipokuwa Waziri Mkuu haya matatizo yanayotokea leo hayakutokea?

laa: Mtu aliyesababisha migogoro ya mipaka halafu leo anataka kuwa Rais?

Slaa: Wapo watakaosema ameichana CHADEMA, ameijenga CCM. Ukweli haugawanyiki, kama yameitandika CHADEMA ndio ukweli ulivyo

Slaa: Nimesema sina chama ila mimi ni mtanzania, nitawatumikia watanzania kwa vipawa alivyonipa Mwenyezi Mungu.

Slaa: Nimeombwa kugombea urais kwenye vyama vitano ila nimekataa kwakuwa mimi siamini katika kuhama hama vyama.

Slaa: Mshenga niliyemtaja, alisema kanisa la kilutheri lote linamuunga mkono Lowassa, na maaskofu wa katoliki 30 wamehongwa

Slaa: Sitaenda chama chochote, nimesema sina chama, siasa kwa maana ya chama sina, ila siasa kwa ninayoamini.

Slaa: Sijaja kufanya kampeni leo, nimekuja kuwakumbusha Watanzania wasije wakajuta kama ambavyo tunajuta kwa kosa tulilofanya 2005 na 2010.

Read More